• Новости

    Туган авылым.

    (Сатирик шигырь)

     

    • Туган авылым минем, урамнарың синең
    • Үзләре тар, бар бик киңе дә.
    • Шул урамнар буйлап йөреп узды яшьлек,
    • Истә калып күңел түрендә.
    • Матур була, күркәм ямьле була
    • Яз көннәрең, озын җәйләрең.
    • Әмма бик тә ямьсезләнеп китә
    • Көз көннәрең, салкын кышларың.
    • Җәен яңгыр, кышын карлар явып
    • Тутыралар авыл урамын.
    • Чокыр-чакыр, баткак җирләр белән
    • Тулды синең урам юлларын.
    • Кар-бураннар баса урамнарны,
    • Юллар көртләр белән каплана.
    • Аптырашта калган машиначы
    • Уйга кала, бик тә борчыла.
    • Инде китеп Шанхай урамыннан
    • Юл алынгач Олы урамга,
    • Машиначы җиңел сулап куя,
    • Батмый калгач карлы урамда.
    • Суларың да сасы, эчәрлек тә түгел,
    • Керләр юарга да пычырак.
    • Нишли инде халык, башын кашый
    • Чиста сулар бер дә булмагач.
    • Урам этләре дә күбәйделәр,
    • Ирек бирми тынычлап йөрергә.
    • Урамга чыгарга куркып, утлар йотып
    • Авыл халкы белми нишләргә.
    • Су астында калды киң болыннар,
    • Әрәмәлек, урман, күп күлләр.
    • Кырларыңда үскән арыш-бодай
    • Халкың искә төшереп сөйләр.

     

    • Без үскәндә инеш бик киң иде,
    • Бүә бүиләр иде һәр очта.
    • Су керергә бала-чага, олы-карты
    • Йөри иде инешкә шул чакта.
    • Ямьле һәм киң инеш буең
    • Биек таллар үсеп каплады.
    • Иркен, чиста сулы инеш юлы
    • Тарайды һәм ләмгә капланды.
    • Урамнарың ташлы һәм чуерлы,
    • Халык йөри абына-төртелә.
    • Кайчан булыр инде бездә асфальт,
    • Диеп Шанхай халкы һаман көрсенә.
    • Безнең авыл урамнарында да
    • Инше алла, булыр бәйрәмнәр!
    • Сабыр итик, дуслар, сабыр итик,
    • Сабыр төбе - алтын, дигәннәр.
    • Булыр әле аның асфальте да,
    • Менә шундый өметләр бездә.
    • Урамнарда утлар янып торыр,
    • Суларың да татлы, тәмле булыр.
    • Еллар узар, узар безнең гомер,
    • Бар да әйбәт булыр, инше алла!
    • Җырламыйча калмас авыл халкы барбер
    • Искә төшереп бу җыр юлларын:
    • Туган авылым минем, яланнарың иркен,
    • Инеш буең ямьле, тәмле суларың.
    • Кырларың хуш исле, онытырлык түгел
    • Сайрар кошларыңның моңнарын.

     

                                          Гүзәл Габдуллина(Гыйльфанова), 2019 ел.

    муза









    Адрес: 423648, Республика Татарстан, Менделеевский район, с. Бизяки. Самое родное село в мире.
    Расположение села: правый берег р. Кама, до Набережных Челнов-37км, до Казани-250км, до Ижевска-160км

    Яндекс.Метрика
    Поделиться