Мэчет аксакаллары ил сакчылырын искэ алып догалар укый

Мәчет аксакаллары ил сакчыларын искә алып догалар укый

     Хөрмәтле авылдашлар!

     2023 елның 1 мартыннан өйлә намазыннан соң, авылыбыз ветераннарының исемнәрен укып, барлап китәчәкбез. Микрофон аша исемнәрен авылга яңгыратып укып дога кылачакбыз.

     Быел Беренче бөтендөнья сугышында һәм Бөек Ватан сугышында катнашкан ветераннарыбызны искә алып догалар укыячакбыз. Алар барысы 926 кеше, шулардан 122 кеше Беренче бөтендөнья сугышында катнашканнар, 804 кеше  Бөек Ватан сугышы ветераны.

     Көн саен 15 ветераныбызның исемен укып, белгәннәрен барлап, дога кылачакбыз. Кемнәрнең бабаларын, әтиләрен барласы килә, мәчеткә керегез, авылдашлар.

     Безнең авылыбызда сугыш кайгысы кермәгән гаиләләр бик аздыр. Аллаһы Тәгалә аларның улларына, кызларына, оныкларына исәнлек-саулык, сәламәтлек, әти-әниләрнең, әби-бабаларның хәер-догасында яшәргә Раббыбыз насыйп итсен! Украинадагы сугыш афәтләре туктап, ир-егетләребезнең туган якларына, торган җирләренә кайтырга Аллаһы Тәгалә насыйп итсен!

                                                                         Мәчет шурасы. 2023 ел, 28 февраль