СВОдан кайткан солдатка булэк

Әссәламәгәләйкум вә рахматуллахи вә бәрәкәтух хөрмәтле авылдашлар!

         Авылдашыбыз Радик улы Артем Украинадан 2 атнага ялга кайтты. Егетебез исән-сау, Раббым гомерләрен дә сау-сәламәт яшәргә язсын, шулай ук авылыбыздан, Татарстан, Россия җирлегеннән киткән ир-егетләребезгә, сугыш афәтләре туктап, исән-сау туган якларына, торган җирләренә, башларында зиһеннәре, гәүдәләре төзек килеш әйләнеп кайтуларын теләп догада торабыз. Мәчет, Баһаветдинов Ирек, Латыйпова (Кәримова) Фәния (Железногорск), Нуриәхмәт кызы Рәзилә, Ильшат И (банк картасында шулай язылган), Яр Чаллы шәһәреннән "Логистика" җәмгыяте бергәләшеп Артемга хәрби хезмәтендә кирәк булачак кыйммәтле бүләкләр алды: тепловизор, өстенә һәм аягына хәрби киемнәр һәм башкалар. Аллаһның рәхмәтләре булсын, кемнәр шушы изге эшләргә катнашкан. Игелек җир өстендә ятмый, егетләребез исән-сау әйләнеп кайтсыннар. Бу бүләкләр 4 августта мәчетебездә Җомга намазыннан соң Артемга тапшырылды. Егетебез бик сөенеп, зур рәхмәтләр әйтеп алды бүләкләрне.

       Авылдашлар, якташлар! Әйдәгез әле алга таба без бергә җыелып кыска ялга кайткан һәрбер солдат авылдашыбызга сугыш кырларында бик кирәк булган, аларның тормышларын саклауга ярдәм итә торган бүләкләр алыйк. Боларны, билгеле, акчага сатып алырга кирәк. Ярдәм итәргә теләүчеләргә акчаларын мәчеткә кертеп бирергә яисә +7 (986) 931-24-46 телефонына бәйләнгән Сбербанк картасына (Мехаматнур Рапиевич Назметдинов) күчерергә була. Һәр бүләкне алырга булышкан иганәчеләр исемлеге белән сезне таныштырып барырбыз. Солдатларыбыз безнең илебезне, балаларыбызны, оныкларыбызны сугыш кырларында саклый. Шуңа күрә аларга булышу-безнең изге бурычыбыз.

Мәчет шурасы. 4 август 2023 ел.