• Новости

    Кунел тынычлыгын югалтканда нишлэргэ

    Күңел тынычлыгын югалтканда нишләргә

     

         Без стресс заманында яшибез. Стресс тышкы һәм эчке конфликтлардан: арыганлык, мәнфәгатьләрне, комплексларны кысрыклаудан килеп чыга. Соңгы елларда моңа covid-19 да үз өлешен өстәде. Һәрдаим стресс хәлендә яшәү күңел төшенкелегенә –депрессиягә китереп җиткерә.

        Шушы авыру турында мәгълүмат бирү һәм аны кисәтү максатыннан  Бәзәкә китапханәсендә өлкәннәр өчен эшләп килүче “Хәят” аралашу түгәрәгенә йөрүчеләр белән “Күңел тынычлыгын югалтканда нишләргә” дигән темага ачыктан-ачык сөйләшү үткәрелде. Сөйләшү вакытында  китапханәче Фәния Бәшәрова стресс белән көрәшнең иң уңышлы ысуллары белән таныштырды. Чарада катнашучылар Плотникова Мәсхүдә үлән чәйләре, “тере су” файдасы, Сибгатуллина Тәнзиля догалар уку, яраткан мавыгулары  турында  чыгыш ясадылар. Әлбәттә, күңел төшенкелеге белән көрәштә шулай ук үтемле чара булып китап уку тора. Китапханәче өлкәннәргә мавыктыргыч китаплар, гәҗит-журналлар  тәкъдим итте. 

         Ә шулай да, депрессиягә, тормыш авырлыкларына бирешмичә яшәр өчен булганына шөкер итәргә, вак-төяккә дә шатлана белергә, күңелдә уңай фантазияләр, хыяллар белән  яшәргә кирәк.

    библиотека









    Адрес: 423648, Республика Татарстан, Менделеевский район, с. Бизяки. Самое родное село в мире.
    Расположение села: правый берег р. Кама, до Набережных Челнов-37км, до Казани-250км, до Ижевска-160км

    Яндекс.Метрика
    Поделиться