Резеда Шамсуллина. Татлы чишмэ

Татлы чишмә

Ямьле җирдә урнашкан

Авылымның чишмәсе.

Тау астында чылтырый,

Суның иң-иң тәмлесе.

Чишмәнең салкын суы

Бар борчуларны юа.

Кушылып аккан суга,

Яңа җыр башта туа.

Чыңлап ага, моңлана ул,

Җанга шифа бирә көе.

Сандугач та ияләшкән:

Таллар буенда өе.

Көянтә-чиләкләр асып,

Төшәм таныш сукмактан.

Күңелемә рәхәт иңә

Балдан татлы сулардан.

Резеда Шамсуллина