Кичке авыл

Кичке авыл

Тынлык бишегендә тибрәнә

Авылымның гүзәл кичләре.

Тәрәзләрдә утлар кабына -

Җилферди күңел пәрдәсе.

Тулы ай нурына төренеп,

Сандугач моңлана бер талда.

Йолдызлы күк йөзе астында

Серләшә аккошлар елгада.

Ап-акка төренгән алмагач

Бигрәк тә матур кичләрен.

Яңа чапкан печән өеме -

Оныталмам аның исләрен.

Бер кайтып урарга урамны,

Кулларны учакта җылытып,

Күңелдә сакланган сагынуны

Шул бер кич эчендә таратып.

Резедә Шамсуллина