Бабамнын кэржиннэре

Бабамның кәрҗиннәре 

Урамда - буран, өйдә – рәхәтлек:

Мич буенда бабам кәрҗин үрә. 

Радиосы моңлы бер җыр көйли -

Бу хәтирә төшкә бик еш керә. 

Яшьли ятимлекне күргән егет, 

Бер эштән дә куркып үсмәде. 

Тракторчы булды, терлекче дә,

Балта, чалгы кулыннан төшмәде. 

Ә көзләрен кәрҗин үрер өчен,

Су буеннан тал чыбыклар җыйды.

Бәрәңге савыты, каз оясы,

Барысын да коеп кына куйды.

Кеше китә - эзе кала диләр, 

Эшләренең кала әҗерләре. 

Бабам төсе булып тора хәзер- 

Талчыбыктан үргән кәрҗиннәре

Резедә Шәмсуллина, 2023 ел, февраль

ФОТО