Губайдуллин Габдулла/Галиулла- участник первой мировой войны

Губайдуллин Габдулла/Галиулла- участник первой мировой войны

     Гөбәйдуллин Габдулла/Галиулла (исеме төрле документларда төрлечә язылган) Алабуга өязенең Салагыш волостена кергән Бәзәкә авылында 1895 елда дөньяга килгән. Беренче бөтендөнья сугышы башлангач аны, 20 яше тулган буйдак егетне, солдатка алып 26-нчы Могилев пехота полкына җибәрәләр. 1915 елның 7 сентябрендә Белоруссиядәге Нарочь күле янындагы каты сугышларда Гөбәйдуллин Г. яраланып госпитальгә җибәрелә.

     1915 елның 7 сентябрендәге ярадан төзәлгәннән соң Габдулла/Галиулла абзый 109-нчы Волжск пехота полкына җибәрелә.  Шунда хезмәт иткәндә 1916 елның 21 августында Сморгонь шәһәре янында сугышларда чирләп Мәскәү шәһәренә, ә аннан 1916 елның 2 сентябрендә Казан шәһәрендәге госпитальгә озатыла. Бу госпитальдә Габдулла/Галиулла абзыйны 1916 елның 3 октябрендә “1-я Казанская команда выздоравливающих”ка җибәрәләр. Билгеле инде, шуннан ул тагын сугыш фронтына озатыла.

     1917 елның 13 июнендә Гөбайдуллин Г. өченче тапкыр госпитальгә эләгә: бу юлы ул “Хроническое воспаление правого уха” диагнозы белән Мәскәү шәһәрендәге 1751-нче Андрониевск госпиталендә дәвалана. Шуннан соң ул, революция алды буларак, тагын фронтка киттеме икән, бу турыда архивларда документлар табылмады.  Бу хәл Габдулла/Галиулла абзый сугышта исән калып туган авылына кайту бәхетенә ирешкәндер дигән өмет бирә. Бәлки бу язмадан берәр авылдашыбыз үзенең бабасын танып, аның сугыштан соңгы тормыш юлы белән таныштырып китәр?

Тулырак