Шагыйрь Марсель Гыймазетдиновка 80 яшь

Шагыйрь Марсель Гыймазетдиновка 80 яшь

     Авылдашыбыз, туган ягыбызның, илебезнең матурлыгына үзенең иҗатында мәдхия җырлаган Марсель Гыйлфан улы Гыймазетдиновка быел 11 декабрьдә 80 яшь тулган булыр иде. Үзе бик иртә китсә дә, аның шигырьләре, җырлары Татарстанда гына түгел, Россиянең төрле почмакларында яңгырап милләттәшләребезнең күңелләрен күтәрә, аларга яшәргә көч өсти.

     Шагыйрьнең юбилеен каршылап, аның иҗатын популярлаштыру; милли телләрне саклау, пропагандалау һәм үстерү; туган телдәге әдәби әсәрләргә уңай эмоциональ мөнәсәбәт тәрбияләү; туган җиргә мәхәббәт тәрбияләү максатыннан 10-ноябрь – 10 декабрь аралыгында Бәзәкә авылы китапханәсе #МарсельГыймазетдиновныукыйбыз дигән онлайн-акция игълан итте. Акциядә яшенә, белеменә һәм яшәү урынына карамастан теләгән һәркем катнаша ала. Барлык катнашучыларга да Диплом җибәреләчәк.

     Исегезгә төшерәбез, акция тәмамланырга санаулы гына көннәр калып бара, кушылыгыз!

     “Мои Бизяки” сайтында да алдагы көннәрдә  таныклы авылдашыбыз тормышын һәм иҗатын яктырткан материаллар, сез яраткан җырлар, яңалыклар урын алыр.

Знаменитости: Гыймазетдинов Марсель Гильфанович

Муза

Игътибар! Акция!

«Татарстан Республикасы Менделеевск Үзәкләштерелгән китапханәләр системасы” Бәзәкә авылы китапханәсе шагыйрь, популяр җырлар авторы Марсель Гыймазетдиновның тууына 80 ел тулу уңаеннан «Марсель Гыймазетдиновны укыйбыз» дигән онлайн-акция игълан итә.

Акцияне оештыручы булып шагыйрьнең туган авылы - Бәзәкә авылы китапханәсе тора.

Акциянең максатлары һәм бурычлары:

-Марсель Гыймазетдинов иҗатын популярлаштыру;

-милли телләрне саклау, пропагандалау һәм үстерү;

- туган телдәге әдәби әсәрләргә уңай эмоциональ мөнәсәбәт тәрбияләү;

-туган җиргә мәхәббәт тәрбияләү;

Акцияне оештыру:

-акция 2023 елның 10 ноябрь -10 декабрь вакыт аралыгында үткәрелә;

Акциянең шарты:

-акциядә катнашучылар М.Гыймазетдинов шигырьләрен укыйлар

Шигырьләрне түбәндәге сылтама буенча кереп алырга була

https://www.бизяки.рф/rus/muza

Акциядә катнашу өчен:

-Марсель Гыймазетдинов шигырен сайлап алырга

-видео төшерергә һәм үзегезнең Вконтакте социаль челтәрендәге сәхифәгә урнаштырырга

-шигырьнең исемен, катнашучы (яшен, яшәү урыны (регион, шәһәр, район, авыл) һәм оештыручы турындагы мәгълүматны язарга

- #МарсельГыймазетдиновныукыйбыз #Бизякинскаясельскаябиблиотека хештегын куеп видеоны урнаштырырга

-видеоның сылтамасын faniya-63@mail.ru электрон адресына җибәрергә 

Акциядә яшенә, белеменә һәм яшәү урынына карамастан теләгән һәркем катнаша ала.

Акция нәтиҗәләре: барлык катнашучыларга да Диплом җибәреләчәк