Мусин Миндрахман Минегараевич- ветеран Афганистана

Мусин Миндрахман Минегараевич-ветеран Афганистана

     Мусин Миндрахман Минегәрәй улы 1936 елны Бондюг (хәзер Менделеевск) районындагы Бәзәкә авылында беренче бөтендөнья сугышы ветераны Мусиннар Минегәрәй һәм Турай авылы кызы Минҗиһан гаиләсендә туа. Алар гаиләсендә тагын апалары Гөлҗиһан, Галимә, абыйсы Габдрахман һәм энесе Файзрахман була. Миндрахман абый яшьтән үк ул чагында бик популяр булган авиация турында хыяллана, летчик булырга әзерләнә. 1955 елларда аны хәрби хезмәткә алалар. Ниндидер сәбәп белән ул летчик була алмый, ләкин барыбер авиацияга эләгә, самолетның стрелогы булып хезмәт итә.

     Афганитстанга совет гаскәрләре кергәч бер айдан соң, 1980 елның 26 январендә Миндрахман абый хезмәт иткән часть та шунда күченә. 1980 елның 26 июлендә яше буенча хезмәт срогы тулган 44 яшьлек Миндрахман Мусин армиядан демобилизацияләнеп тыныч тормышка кайта. Ул гаиләсе белән Советлар Союзының төрле җирләрендә яшәп, соңыннан туган якларына. Менделеевск шәһәренә кайтып төпләнә.

     Миндрахман Мусин “В ознаменование 100-летия со дня рождения В.И.Ленина” медале, “Воину-интернационалисту от благодарного афганского народа” медале һәм башка күп медальләр белән бүләкләнә.

     Миндрахман Минегәрәй улы Мусин 2020 елның 8 февралендә бакыйлыкка китә. Бәзәкә авылы зыяратында күмелгән.

     Бу язманы әзерәүдә зур ярдәм күрсәткән Рдаева (Мусина) Рәсинә Файзрахман кызына рәхмәтләребезне белдерәбез!

Тулырак