Рамзия Туктаманова. Голлэрем

Гөлләрем

Тәрәзә төпләрем нурлы

Чәчәкәләргә тулганда.

Күңелләрем һәрчак ачык

Дус-ишләргә, туганга.

Гөлләремә сулар сибәм

Шиңмәгез сез, үсегез.

Капкам ачык, йөзем якты

Түрләремә үтегез.

Дус-туганнар исән чакта

Җыелып алыйк әле

Кемнәр калыр, кемнәр китәр

Гөрләшеп калыйк әле.

Ал чәчәкләр ата гөлем

Тәрбияләр кылганга.

Тормыш ямен тоеп яшим

Дус-туганнар булганда.

Гөлләрем белән серләшеп

Бушатам эч серемне.

Дусларым белән гөрләшеп

Юатам күңелемне.

Ал гөлләрем чәчкә атса

Нурлана минем өем.

Ә күңелем һич картаймас

Гөл-чәчәккә тиң минем.

Рәмзия Туктаманова, 29.10.2024