Энилэргэ!

Әниләргә!

         24 ноябрь 2024 ел – әниләр көненә багышлап

Әни - нинди бөек исем!

Бик зур көчләргә ия.

Әни булу нинди шатлык,

Һәр әнигә баш иям.

Кызганмыйча үз гомерен,

Үз вакытын һәм көнен.

Сабыйлыктан тәрбияли

Яратып, куя көчен.

Ана йөрәге ниләр түзә?

Ниләр микән аның күңелендә?

Шул сорауга төгәл җавапны

Әни булган кеше генә белә.

Һәр хатын-кыз бер генә булса да,

Лаек булсын шушы исемгә.

Бәхет тәмен татып карау өчен

Үз балаңны сөеп алу җитә.

Исәнлектә булсын һәрбер әни,

Сау-сәламәт булсын һәр бала.

«Әни- балам» диеп торган чакта,

Яшәү дәрте тик өстәлеп бара.