Омет

Өмет

Кичке урам - тулы сихри тынлык:

Салмак кына ява йомшак кар,

Аяк асты шыгыр-шыгыр килә,

Һәр тарафта серле тылсым бар.

Кышка зур өметләр баглый кеше,

Яңа елдан көтеп могҗиза.

Алтын-көмеше дә кирәк түгел,

Тыныч булсын тик безнең дөнья.

Җиһанны гүя ак келәм каплый

Яшергәндәй галәм михнәтен.

Салса иде сафлык күңелләргә,

Алсын җаннан заман зәхмәтен.

Резедә Шәмсуллина