Сузлэр коче

Сүзләр көче

⠀

Иләк аша үткәрепләр булса

Кеше әйткән барлык сүзләрне,

Тормас иде күңел ямаулардан,

Сулкылдатмас иде җөйләрне.

⠀

Сүзләр көче таулар да аера,

Адәм балаларын чит итә.

Уйламыйча әйтелгән һәрбер сүз,

Араларга куя мең киртә.

⠀

Берләштерә, өмет бирә алар,

Дәвалыйлар, өсти ышаныч.

Йомшак җилдәй җанны иркәлиләр,

Үсендерә, була таяныч.

⠀

Барыбыз да истә тотса идек -

Онытыла әйткән сүзләре,

Басылалар йөрәк ярсулары,

Тик уелып кала эзләре.

⠀

Резеда Шәмсуллина